„Светското првенство во хип-хоп“ доби Гран при на Фестивалот БЕАМ кој синоќа ги прогласи најуспешните проекти и креативни постигнувања во индустријата за настани. Годинава пристигнале рекорден број пријави. Присутните на церемонијата и продледија настапите на петкратниот светски шампион во модерен балет, младиот Анди Исмаили и енергичниот перформанс на танчерите од студиото „Брејк а лег“, заедно со Мила Србиновска, светски шампион во хип хоп јуниорска категорија.
Анди Исмаили
Ова се наградените во 10 категории:
Најдобар културен настан – Светско првенство во хип хоп („Пипл медиа“).
Најдобар корпоративен настан – Халкбанк: Трајни културни вредности (маркетинг агенција
Ефектива).
Најдобар музички настан – 100 години Скопско (Публицис Груп).
Најдобар фестивал – „Литера“ – Меѓународен фестивал за литература и илустрација за деца
(маркетинг агенција „Ефектива“).
Најдобра активација на бренд – 100 години Скопско („Публицис груп“).
Најдобар спортски настан – Светско првенство во хип хоп („Пипл медиа“).
Најдобра конференција – Наука за деца (Фондација „Кантарот“ Скопје).
Најдобар Експо настан – Skopje Whiskey Fest („Ботегга ивенти“).
Најдобар хуманитарен настан – Ability Awards („Абилитис нет“).
Најдобар настан на државна институција – Меѓународна регулаторна конференција („Идеа плус“
Plus 360° Комуникации).
Гран при= Најдобар настан за 2024 година – Светско првенство во хип хоп („Пипл медиа“).
